संदेश

July, 2012 की पोस्ट दिखाई जा रही हैं

कांग्रेसवर्गस्‍य नेतारं कांग्रेसस्‍य प्रश्‍नचिटिका

कांग्रेसवर्गस्‍य य: सांसदवर्य: गुजरातप्रदेशस्‍य मुख्‍यमन्त्रिण: प्रशंसां कुर्वन् कांग्रसस्‍य सांसदवर्य: गतदिवसे नरेन्‍द्रमोदीवर्यं सिंह: इति उक्‍तवान् ।  अयं प्रकरणं स्‍वीकृत्‍य मोदी पूर्वमेव उक्‍तवानासीत् यत् कदाचित कांग्रेस तं प्रति प्रश्‍नचिटिका प्रेषिष्‍याति एव ।
अद्य तस्‍य सम्‍भावनापि सत्‍यमभवत् ।  अद्य कांग्रेसवर्गेण तं प्रति प्रश्‍नचिटिका प्रेषिता एव । विदितं भवतु यत् गतदिवसे एव एकस्यां सभायां कांग्रेसवर्गस्‍य एक: सांसद: गुर्जरप्रदेशस्‍य मुख्‍यमन्‍त्री नरेन्‍द्रमोदीं प्रति सिंह: इति अभिधानं प्रयुक्‍तवान् आसीत् ।  तदा एव साक्षात् मोदिना अस्‍य विषयस्‍योपरि टिप्‍पणी कृतासीत् । 

जयभगवान: प्रथमस्‍पर्धा विजितवान्

चित्र
लन्‍दनओलम्पिकक्रीडात: भारतीयानां कृते द्वितीया सुवार्ता आगतास्ति सम्‍प्रति ।  भारतीयमुष्टिकाप्रहारक: जयभगवान: स्‍व प्रथमस्‍पर्धा विजितवान् ।  स: स्‍व प्रथमास्‍पर्धा 8-18 इति अन्‍तरेण विजितवान् ।  60कि.ग्रा. वर्गस्‍य स्‍पर्धायां जयभगवान: नातिविलम्‍बेनेव विजयं प्राप्‍तवान् ।

साइना नेहवाल: स्‍पर्धा विजितवती

चित्र
लन्दनओ‍लम्पिकक्रीडायां साइनानेहवाल: स्‍वस्‍य प्रथमा स्‍पर्धा विजितवती ।  यथा भवन्‍त: जानन्ति एव यत् ओलम्पिकक्रीडा2012 स्‍पर्धासु भारतीया: इदानीं पर्यन्‍तं किमपि विशिष्‍टं कर्तुं न शक्‍तवन्‍त: ।  किन्‍तु इदानीं साइना नेहवाल: आत्‍मन: स्‍पर्धां विजित्‍या जनानां मनसि हर्ष: आशाया: च विस्‍तारं कृतवती । 

अन्‍ना पुनरनश्‍नमारभत्

चित्र
देहल्‍या: जन्‍तर-मन्‍तरस्‍थाने अन्‍ना अनश्‍नान्‍दोलनं पुनरारभत् ।  अद्य प्रात:काले अन्‍ना अनश्‍नम् आरब्‍धवान् ।  विदितं भवेत् यत् अन्नावर्ग: पूर्वमेव चतुर्दिवसेभ्‍य: अनश्‍नं करोति ।  िअद्य अन्‍ना अपि अनश्‍नम् प्रारभत् ।
गतचतुर्दिवसेषु तावत् सम्‍मर्द: नासीत् येन जना: वदन्‍त: आसन् यत् अन्‍नान्दोलनस्‍य अधिकप्रभाव: नास्ति ।  किन्‍तु अद्य यदैव अन्‍ना आन्‍दोलनम् आरब्‍धवान् तदा आरभ्‍य जन्‍तर-मन्‍तर स्‍थाने जनानां सम्‍मर्द्ध: एकत्रित: । प्रायेण जना: आगच्‍छन्‍त: सन्ति, गच्‍छन्‍त: च सन्ति ।  तत्र स्‍थायीरूपेण केचन एव तिष्‍ठन्ति किन्‍तु जनानां सम्‍मर्द्ध: निरन्‍तरं वर्धते एव ।  अन्‍नान्‍दोलनस्‍य प्रभाव: मुंबईनगरे अपि अस्ति ।  तत्रापि जनानां सम्‍मर्द: एकत्रितं भूत्‍वा अन्‍नान्‍दोलनस्‍य समर्थनं करोति ।

ओलम्पिकदीपं स्‍वीकृत्‍य धाविष्‍यति महानायक: अमिताभबच्‍च्‍न: ।

चित्र
बालीबुड महानायक: अमिताभबच्‍चन: अद्य ओलम्पिकसमारोहस्‍य प्रारम्‍भात् एकदिवसपूर्वं ओलम्पिकदीपं स्‍वीकृत्य धावनं करिष्‍यति ।  स: लंदनस्‍य साउथवार्क इति स्‍थाने ओलंपिकदीपं स्‍वीकृत्‍य धावनं करिष्‍यति ।  एषा सूचना तेन स्‍वयमेव आत्‍मन: टिवटर पृष्‍ठे प्रदत्‍तवान् ।  प्रधानमन्‍त्री मनमोहनसिंह: एवं च चलचित्रनिर्माता करणजौहरस्‍य अनन्‍तरं अन्‍तरराष्‍ट्रीय ओलंपि संघेन वालीवुडमहानायक: अमिताभबच्‍चन: आहूत: अस्ति ।  अमिताभबच्‍चन: एतां घटनां आत्‍मन: कृते गौरवप्रदं मन्‍यते ।     ओलम्पिकदीपं 70 दिवसस्‍य अटनानन्‍तरं 27जुलाई इति दिवसे लन्‍दनस्‍य ओलम्पिकक्रीडाक्षेत्रे प्राप्‍स्‍यति ।   मशालयात्रा ब्रिटेनक्षेत्रे कार्नवालक्षेत्रात् प्रारब्‍धमासीत् । ओलम्पिकदीपं क्रीडाक्षेत्रे प्राप्ते सति ओलम्पिकक्रीडाया: उद्घाटनं भविष्‍यति इति । 

लन्‍दनओलम्पिक2012 उद्घाटनं श्‍व: ।

चित्र
ओलंपिकक्रीडा2012 इत्‍यस्‍य प्रारम्‍भे सम्‍प्रति केवलम् एकं दिनमेव अवशिष्‍टमस्ति ।  श्‍व: अस्‍या: क्रीडाया: उद्घाटनसमारोह: अस्ति ।  अस्‍यां क्रीडायां विभिन्‍नदेशेषु क्रीडका: भागं गृहींतुमागता: सन्ति । 





       अस्मिन् वर्षे सम्‍पूर्णआयोजनानां संभावितसंख्‍या 302 इति अस्ति ।  इत्‍युक्‍ते कदाचित् 302 क्रीडा: भविष्‍यन्ति अस्मिन् वर्षे ।  ताषु क्रीडाषु भागग्रहीतारा: 204 देशस्‍य 10500 क्रीडका: भविष्‍यन्ति इति सम्‍भाव्‍यते ।

      क्रीडायोजनस्‍य सर्वा: सूचना: लन्‍दनओलम्पिक2012 इत्‍यस्‍य आधिकारिकजालपृष्‍ठे प्राप्‍तुं शक्‍यमस्ति ।
लन्‍दनओलम्पिक2012 इत्‍यस्‍य आधिकारिकजालपृष्‍ठे गन्‍तुमत्र नोदयन्‍तु ।
धन्यवादाः

कानिचन चित्राणि लन्‍दनओलंपिक2012 क्रीडाया: ।

चित्र
मित्राणि
स्‍व: लन्‍दनओलम्पिकक्रीडाया: उद्घाटनसत्रमस्ति ।  अस्मिन् अवसरे भवतां कृते अस्‍माभि: कानिचन् चित्राणि प्रस्‍तूयते ।  एतानि चित्राणि लन्‍दनक्रीडाग्रामस्‍य सन्ति ।  विभिन्‍नजालपृष्‍ठेभ्‍य: स्‍वीकृतानि एतानि चित्राणि भवतां  कृते एकत्रीक्रियते ।

धन्‍यवादा:












श्रावणमासस्‍य कज्‍जलीगीतं श्रृण्‍वन्‍तु ।

चित्र
बान्‍धवा:  श्रावणमास: गम्यमान: अस्ति ।  इदानीं पर्यन्‍तं कदाचित् भवद्भि: कज्‍जलीगीतं नैव श्रुतं स्‍यादस्मिन् वर्षे ।  न कापि वार्ता ।  इदानीं पर्यन्‍तं न श्रुतं चेत् इदानीं तु अवश्‍यमेव श्रुण्‍म: ।  मया भवतां कृते कानिचन् कज्‍जलीगीतानि आनीतानि सन्ति ।  एतेषु गीतेषु प्रायश: सर्वाणि एव गीतानि कर्णप्रियानि सन्ति, किन्‍तु आर्तकविवर्यस्‍य वाण्‍यां या कज्‍जली गीतास्ति सा तु अतीवरुचिकरा ।  एतत् गीतं श्रुत्‍वा भवतां मन: निश्‍चयेन् प्रसन्‍न: भविष्‍यति ।  तर्हि नोदयन्‍तु चलचित्रेषु एवं च श्रुण्‍वन्‍तु अस्मिन् वर्षस्‍य कज्‍जलीगीतानि ।


धन्‍यवादा:

फायरफाक्‍स अंतरजालचालकस्‍य नूतनं हिन्‍दीसंस्‍करणम् ।

चित्र
मित्राणि सम्‍प्रति हिन्‍दीभाषाया: महत्‍वं वर्धते इति तु सर्वे मन्‍यन्‍ते एव ।  किन्‍तु एतस्‍य साक्षात् प्रमाणं सम्‍प्रति दृष्‍यते ।  अधुना फायरफाक्‍स इति अंतरजालचालकनिर्माता सेवा इत्‍यस्‍य नूतनं हिन्‍दीसंस्‍करणं प्रकाशितवती अस्ति ।  अस्य चालकस्‍य विष्‍ये अधिकं तु वक्‍तुं न शक्‍नोमि यतोहि अहमपि इदानीमेव एतस्‍य तलपूर्ति: कुर्वन्‍नस्मि किन्‍तु निश्‍चयेन एतदुपयोगी भविष्‍यति एव ।  सम्‍प्रति अस्‍माकं अपि दायित्‍वमस्ति अस्‍य संस्‍करणस्‍य उपयोगं कर्तुम् ।  वयं यावत् अस्‍य संस्‍करणस्‍य उपयोगं कुर्म: तावत् हिन्‍दीजनानां उत्‍साहवर्धनं भविष्‍यति ।  अस्‍तु तर्हि एतत् संस्‍करणं तलपूरयतु अधस्‍तात् श्रृंखलात् ।
फायरफाक्‍स नूतनहिन्‍दीसंस्‍करणम्14.0.1
तलपूर्य, पुनश्‍च प्रयोगं कृत्‍वा कृपया आत्‍मन: अनुभवा: आवंटयन्‍तु अत्र ।  धन्‍यवादा:

श्रावणमहोत्‍सवावसरे श्री श्रृंगीऋषिआश्रमे श्रावणझूला, संत्‍संगायोजनं च ।

चित्र
श्री श्रृंगीऋषिआश्रमे प्रतिवर्षवदेव अस्मिन् वर्षे अपि श्रावणझूलामहोत्‍सवे संत्‍संगायोजनं आयोजितमस्ति । अस्‍य सत्‍संगस्‍य वक्‍ता प्रख्‍यात् कथावाचक: आदरणीय श्री मधुरजीवर्य: अस्ति । श्री श्रृंगीऋषिआश्रमे प्रति वर्षे श्रावणमासे भगवत: श्रीरामस्‍य झूलाआयोजनं कृयते ।  अस्मिन् समये विविधानि आयोजनानि अपि भवन्ति यस्मिन् एकमासात्‍मकं मेलापकं, 10 दिवसात्‍मकं श्रीरामलीलायोजनं/श्रीकृष्‍णलीलायोजनं पुनश्‍च एकसप्‍ताहात्‍मकं सत्‍संगायोजनं भवति ।  श्रीभगवद्लीलायोजनाय अयोध्‍याया: प्रख्‍यात् लीलामण्‍डली आहूयते ।  अस्‍य सम्‍पूर्णव्‍यय: सर्वकारेण साध्‍यते । सत्संगायोजने प्रतिवर्षे नूतनकथाकारा: आहूयन्‍ते ।  अस्‍य सर्वं व्‍ययं स्‍थानीयजनै: साध्‍यते ।  श्रीरामजानकीमन्दिरस्‍य मुख्‍य: मुनि: श्री जगदीशदास: सर्वेषां कार्यक्रमाणां व्‍यवस्‍थापक: भवति ।  भगवत: लीलां द्रष्‍टुं, भगवन्‍तं झूलादालयितुं, पुनश्‍च सत्‍संगं कर्तुं श्रोतुं च बहव: जना: दूरात् अपि आगच्‍छन्ति ।  तेषां कृते भोजनवासव्‍यवस्‍थापि जगदीशबाबावर्येण एव क्रियते ।       बहव: भक्‍ता: मासपर्यन्‍तं अत्रैव भूत्‍वा भगवत: दर्शनपूजनादिलाभं स्‍वीकुर्वन्त…

पीएच.डी. संयुक्‍त प्रवेशपरीक्षापरिणाम: घोषित:

अवधविश्‍वविद्यालयस्‍य बहुप्रतीक्षितपरीक्षापरिणामा: सम्‍प्रति समागता: सन्ति ।  प्रायश: सर्वेषां विषयाणां परीक्षाफलं तु आगतमेव किन्‍तु इतोपि बहव्‍या: परीक्षा: सन्ति येषां क्रमश: आगच्‍छन्‍नस्ति ।  एतेषां परीक्षाणां परिणामं भवन्‍त: अधोक्‍ताषु श्रृंखलासु नोदयित्‍वा प्राप्‍तुं शक्‍यन्‍ते । 

अवध विश्‍वविद्यालयस्‍य परीक्षाफलम् 
       पीएच.डी. इत्‍यस्‍य परीक्षाफलमपि सम्‍प्रति द्रष्‍टुं शक्‍यमस्ति ।  एतस्‍य अंकतालिका अपि शीघ्रमेव आगमिष्‍यति तावत् अधोक्‍तश्रृंखलायां नोदयित्‍वा स्‍वस्‍य परीक्षाफलं पश्‍यन्‍तु । 
पीएच.डी. परीक्षाफलम्

श्रीरामरक्षास्‍तोत्रम् ईपुस्‍तकम् गृह्णन्‍तु ।

चित्र
बान्‍धवा:
भवतां समक्षे विगतदिवसे श्रीरामरक्षास्‍तोत्रं लेखरूपेण प्रकाशितमासीत् ।  तस्‍य एव प्रकाशनं सम्‍प्रति ईपुस्‍तकरूपेण क्रियते । भगवत: श्रीरामस्‍य एतत् रक्षास्‍तोत्रम् अस्‍माकं जीवनस्‍य रक्षणार्थं महत् उपयोगी अस्ति ।  अस्‍य नियमितपाठ: पाठकस्‍य आयुवर्धनं, यशवर्धनं, लाभवर्धनं च करोति । अस्‍तु तर्हि अध: प्रदत्‍तश्रृखलायां नोदयित्‍वा श्रीरामरक्षास्‍तोत्रं तलपूरयतु ।



अत्र नोदयित्‍वा ईपुस्‍तकं तलपूरयन्‍तु
ईपुस्‍तकं तलपूरितुं द्वितीया श्रृंखला

धन्‍यवादा:

श्रीहरिशरणाष्‍टकम्

ध्‍येयं वदन्ति शिवमेव हि केचिदन्‍ये शक्तिं गणेशमपरे तु दिवाकरं वै । रूपैस्‍तु तैरपि विभासि यतस्‍त्‍वमेव तस्‍मात्‍तवमेव शरणं मम दीनबन्‍धो ।।1नो सोदरो न जनको जननी न जायानैवात्‍मजो न च कुलं विपुलं बलं वा ।सन्‍दृश्‍यते न किल कोपि सहायको मे तस्‍मात्‍तवमेव शरणं मम दीनबन्‍धो ।।2नोपासिता मदमपास्‍य मया महान्‍त-स्‍तीर्थानि चास्तिकधिया न हि सेवितानि ।देवार्चनं च विधिवन्‍न कृतं कदापि तस्‍मात्‍तवमेव शरणं मम दीनबन्‍धो ।।3दुर्वासना मम सदा परिकर्षयन्तिचित्‍तं शरीरमपि रोगगणा दहन्ति ।संजीवनं च परहस्‍तगतं सदैव तस्‍मात्‍तवमेव शरणं मम दीनबन्‍धो ।।4पूर्वं कृतानि दुरितानि मया तु यानिस्‍मृत्‍वाखिलानि हृदयं परिकम्‍पते मे । ख्‍याता च ते पतितपावनता तु यस्‍मात् तस्‍मात्‍तवमेव शरणं मम दीनबन्‍धो ।।5दु:खं जराजननजं विविधाश्‍च रोगा:काकश्‍वसूकरजनिर्निरये च पात: ।ते विस्‍मृते फलमिदं विततं हि लोकेतस्‍मात्‍तवमेव शरणं मम दीनबन्‍धो ।।6नीचोपि पापवलितोपि विनिन्दितोपिब्रूयात्‍तवाहमिति यस्‍तु किलैकवारम् ।तं यच्‍छसीश निजलोकमिति व्रतं ते तस्‍मात्‍तवमेव शरणं मम दीनबन्‍धो ।।7वेदेषु धर्मवचनेषु तथागमेषुरामायणेपि च पुराणकदम्‍बके वा ।…

श्री रामरक्षास्तोत्रम्

श्री रामरक्षास्तोत्रम् ऊँ अस्य श्रीरामरक्षास्तोत्रमन्त्रस्य बुधकौषिक ऋषिः श्रीसीतारामचन्द्रो देवता अनुष्टुप्छन्दः सीता शक्तिः श्रीमान् हनुमान् कीलकं श्रीरामचन्द्रप्रीत्यर्थे रामरक्षास्तोत्रजपे विनियोगः ।

अथ ध्यानम् ध्यायेदाजानुबाहुं धृतशरधनुषं बद्धपद्मासनस्थं
पीतं वासो वसानं नवकमलदलस्पर्धिनेत्रं प्रसन्नम् ।
वामाङ्कारूढसीतामुखकमलमिलल्लोचनं नीरदाभं
नानालङ्कारदीप्तं दधतमुरुजटामण्डलं रामचन्द्रम् ।।

स्तोत्रम् चरितं रघुनाथस्य शतकोटिप्रविस्तरम्
एकैकमक्षरं पुंसां महापातकनाशनम् ।।1

ध्यात्वा नीलोत्पलश्‍यामं रामं राजीवलोचनम्
जानकीलक्ष्मणोपेतं जटामुकुटमण्डितम् ।।2

सासितूणधनुर्बाणपाणिं नक्तंचरान्तकम्
स्वलीलया जगत्त्रातुमाविर्भूतमजं विभुम् ।।3

रामरक्षां पठेत्प्राज्ञः पापघ्नीं सर्वकामदाम्
शिरो मे राघवः पातु भालं दशरथात्मजः ।।4

कौशल्येयो दृशौ पातु विश्‍वामित्रप्रियः श्रुती
घ्राणं पातु मखत्राता मुखं सौमित्रिवत्सलः ।।5

जिह्वां विद्यानिधिः पातु कण्ठं भरतवन्दितः
स्कन्धौ दिव्यायुधः पातु भुजौ भग्नेशकार्मुकः ।।6

करौ सीतापतिः पातु हृदयं जामदग्न्यजित्
मध्यं पातु ख…

श्री श्रृंगीऋषिआश्रमधाम

चित्र
अयोध्‍याया: राजा दशरथस्‍य चत्‍वार: पुत्रा: आसन् ।  तेषामुत्‍पत्तिकथा तु प्रायश: सर्वे जानन्ति ।  राज्ञा दशरथेन पुत्रेष्टियज्ञम् आयोजितम् ।  तेन भगवान् अग्नि: प्रसन्‍न: अभूत ।  स: तं प्रति चरू प्रदत्‍तवान् ।  तत् भुक्‍त्‍वा कौसल्‍या, सुमित्रा, कैकेयी च तिस्र: अपि राजमहिषय: पुत्रवत्‍य: अभवन् ।  कौशल्‍याया: पुत्ररूपेण जगत्पिता श्रीनारायण: अवतरित: अभवत् ।  स: रावणं हत्‍वा जगत: कष्‍टशान्तिम् अकरोत् । कथा - भगवत: श्रीरामस्‍य कथा तु वयं जानिम: एव, किन्‍तु किं भवन्‍त: जानन्ति यत् य: दशरथस्‍य पुत्रेष्टियज्ञस्‍य पुरोहित: आसीत्, किं नाम तस्‍य महात्‍मन: ।  स: आसीत् महर्षि: माण्‍डव्‍यस्‍य पुत्र: महात्‍मा श्रृंगीऋषि: ।  महात्‍माश्रृंगीऋषि: तपस्‍यारत: आसीत् यदा राज्ञा रोमपादेन प्रेरित: महाराज दशरथ: तं प्रति गतवान् पुत्रेष्टि यज्ञाय निवेदितुम् ।  जगकल्‍याणाय महात्‍मा श्रृंगीऋषि: तस्‍य निवेदनं स्‍वीकृतवान् ।  तेन कारितेन यज्ञेन भगवत: श्रीरामस्‍य जन्‍ममभवत् ।  तस्‍य एव महात्‍मन: आश्रम: अस्ति सरयूनद्य: तटे अयोध्‍याधामत: कदाचित् चत्‍वारिंशतकिलोमिटरमिति, उत्‍तरपूर्वदिशि । माहात्‍म्‍यम् - श्रीश्रृंगीऋषि धाम्…

वसन्तः

प्रणय कामिनि कोमलहृदये,पुरतःपश्य वसन्तः,।
हा हतभाग्ये नववयशीले,निकषा चास्ति न कान्तः।।1
वहति समीरो मंदं मंदं,नीत्वा सौरभ खाद्यम्।
अतिकुलमाला मत्ता विपिने,जनयति गुंजा वाद्यम्।।
कोकिल कूजति रसालविटपे,मा भव भ्राता भ्रान्तः ।।2
धरा सज्जिता तस्याःवदने,दिव्या पीत शाटिका,
खगकुल कलरब गुंजित मधुरा,भव्या सुमन वाटिका।।
गगनं स्वच्छं धरा समृद्धा,भानुः प्रीत्या शान्तः।।3
गंगा नीरं पीत्वा तीरे,स्मृत्वा हर हर गंगे।
भाले भस्म कण्ठे माला,निवसन् साधु संगे।।
सरित् व¬रायाः कृपा प्रसादात्,शिष्टः कोपि न प्रान्तः4
प्रणयकामिनि कोमलहृदये,पुरतःपश्य वसन्तः।
हा हतभाग्ये नव वयशीले,निकषा चास्ति न कान्तः
द्वारा - समर्थ श्री (संस्‍कृतगंगा फेसबुकवर्गे)

संस्कृत भाषा

जयतु जयतु भुवि संस्कृत भाषा,तत्व ज्ञान प्रकाशा ।
सर्वं सुलभं तव सांनिध्ये,ब्रह्म तत्व परिभाषा।।
अयि मम मातः मधुरालापे,
वरदायिनि मे शुचि निष्पापे,
बालाः धीराः ज्ञानविहीनाः,समागताः तव दासाः।
जयतु जयतु भुवि संस्कृतभाषा,तत्वज्ञान प्रकाशा।।
भासो माघः कालिदासः,
वाणो हर्षो दण्डी व्यासः,
सिद्धाः शुद्धाः कवयो दिव्याः,छिन्ना तेषां पाशाः।
जयतु जयतु भुवि संस्कृत भाषा,तत्वज्ञान प्रकाशा।।
रामः कृष्णः मनुकुल जाताः,
तव कृपया ते भुवि विख्याताः,
वेद पुराणाखिल ननु ग्रन्थाः,काव्यं तथेतिहासाः।
जयतु जयतु भुवि संस्कृतभाषा,तत्वज्ञान प्रकाशा।।

या या वांछा मनसि नरस्य,
पूर्णा भवति क्षिप्रं तस्य,
ध्यान समाधि प्राणायामाः,सत्यशौचविश्वासाः।
जयतु जयतु भुवि संस्कृतभाषा,तत्व ज्ञान प्रकाशा।।
द्वारा - समर्थ श्री (संस्‍कृतगंगा फेसबुकवर्गे)

श्री महावीरन धाम

चित्र
श्रीमहावीरनधाममंदिरम् अम्‍बेडकरनगरस्‍य (उत्‍तरप्रदेशस्‍य) प्रशिद्धहनुमानमन्दिरेषु अन्‍यतम: अस्ति ।  अस्‍य मन्दिरस्‍य वैशिष्‍टं न केवलम् अम्‍बेडकरनगरे अपितु समग्रे उत्‍तरप्रदेशे विदितमस्ति ।  अत्र भगतव: हनुमत: दर्शनाय दूरस्‍तात बहव: जना: प्रतिदिनम् आग‍च्‍छन्ति । स्थिति: - श्रीमहावीरनधाम अम्‍बेडकरनगरजनपदात् (जिल्‍लात:) प्रायश: 50 कि.मि. मिति दूरे स्थिते शूरापुरआपणे स्थितमस्ति ।  अम्‍बेडकरनगरात् महावीरनपर्यन्‍तं गन्‍तुं यदि आत्‍मन: यानं भवेत् अथवा भाटके यानं स्‍वीकुर्यात् चेत् सौकर्यं भवेत् ।  सामान्‍य भाटकेन (किरायाद्वारा) गन्‍तुं शहजादपुरक्षेत्रात् यानं स्‍वीकरणीयं भवेत् दोस्‍तपुर इति आपणाय ।  तस्मिन् मार्गे एव भूत्‍वा यानं शूरापुरआपणस्‍य कृते गच्‍छति ।







ऐतिहासिकं महत्‍वम् - महावीरनधाम्‍न: सुष्‍ठु ऐतिहासिकं महत्‍वं विद्यते ।  अस्‍य धाम्‍न: स्‍थापना कदा अभवत् इति तु सम्‍यक् न ज्ञात: इदानीं पर्यन्‍तं, किन्‍तु स्‍थानीया: जना: अस्‍य नूतनपरिवेशस्‍य स्‍थापनाविषये अवश्‍यमेव वदन्ति ।  अस्‍य पूर्वमेव स्थितं सरोवरं मकरीकुण्‍ड इति उच्‍यते ।  एवं जना: वदन्ति यत् एतस्‍मात् सरोवरात् एव भगवत: श्रीह…

श्रीहरिदास-पंचकम्

स्नेहार्द्रं मुखमण्डलं सुललितं गौरप्रभाभास्वरं,
दिव्यं दैन्यविदारकं मुनिवरं सर्वार्थ सिद्धिप्रदम्।
नैराश्येभ हरिं हरेःपदयुगं चित्ते सदा धारकं,
वन्देहं हरिदासनामकमजं श्री वैष्णवं सद्गुरुम्।।1
वेदज्ञान परायणान् द्विजवरान् संध्यादिपूजापरान्,
सत्यान्वेषण तत्परान् सुविमलान् स्नेह प्रदानेरतम्।
कृष्णायां निवसन् सदा बुधजनैः पुष्पादिना पूजितं,
वन्देहं हरिदासनामकमजं श्री वैष्णवं सद्गुरुम्।।2
साधूनां समदर्शिनां सुमनसां संगे सदा तत्परं,
धेनूनां परिपालने सुनिरतं गोविन्दगोपूजकम्।
वृन्दारण्य समर्चना परिवृतं श्रीराधिकाराधकम्,
वन्देहं हरिदासनामकमजं श्री वैष्णवं सद्गुरुम्।।3
वैराग्याम्वुधि पंकजं सुविमलं ज्ञानार्कभा भासितं,
भक्त्या निर्मल वारिणा विकसितं सारल्य संपोषितम्।
सच्चारित्र्य सुगन्धसार सरसं योगाधिरूढं मुनिं,
वन्देहं हरिदासनामकमजं श्री वैष्णवं सद्गुरुम्।।4
श्यामागा सरला च भानुदुहिता पापापहा पुण्यदा,
गौरांगा हरिपादपूतसरला गंगा तरंगाकुला।
कृष्णेशौ जलरूपिणौ हि भुवने मत्वेति वासप्रियं,
वन्देहं हरिदासनामकमजं श्री वैष्णवं सद्गुरुम्।।5
हरिगुरू प्रसादाय,सत्यार्थ बोधलब्धये।
पंचकं कुरुते प्रीत्या,त्र्यम्बको विनयान्वितः।।

श…

ग्रीष्मकाल:

निस्तृणा मेदिनी ग्रीष्मकाले तथा,
निर्विकाराः यथा साधवो योगिनः।
पुष्पशून्याः लताः पत्रशून्यास्तथा,
तत्वज्ञाने यथा वासनाः निर्गताः।।1 निम्नगाः वै कृशाः कोमलांगी यथा,
वारिदेहेन ताः लोक सेवा रताः।
जानुमात्रे जले बालकाः निर्भयाः,
क्रीडमानाः प्रफुल्लाः लसन्ति श्रिया।।2 धान्यशून्यानि क्षेत्राणि रिक्तानि वै,
मानवाः स्वेदसिक्ताः समे व्याकुलाः।
वृक्षसंघान्तरे चातपात्पीडिताः,
लोकवार्तारताःव्यग्रचित्ताश्च ते।।3 सागरे भूधरे वायुमध्ये तथा,
कानने वै गृहे कन्दरायां तथा।
दिक्षु मध्ये दिगन्ते तथा मन्दिरे,
अन्तरिक्षेपि वह्निः धरायां तथा।।4 तापतप्ता धरा ग्रीष्म काले यदा,
कातरा भास्करं प्रार्थयन्ती स्वयम्।
भास्करो भग्न चित्तां तदा मेदिनीं,
स्नेह-धाराशतैःसिंचति प्रीतिदः।।5 भास्करो वै मयूखैः जलं कर्षति,
भूपतिर्वै करं लोक वृद्ध्यै यथा।
आतपे भूतसंघःतपस्यारतः,
साधना वै निदाघस्य वृद्ध्यै तथा।।6 द्वारा - समर्थ श्री (संस्‍कृतगंगा फेसबुकवर्गे)

कपिल पंचक

अनाद्यनंतं कमनीय वर्चसं,समाधि-निष्ठं ननु कोविदां वरम्।
वरेण्यकीर्तिं कमलासनादिभिः,नमामि शान्तं कपिलं महाप्रभुम्।।1
कृपा परेशं परपक्ष साधकं,स्वमातरं सांख्यधियात्म-दर्शकम्।
सतां समक्षं समवस्थितं मुनिं,नमामि सिद्धं कपिलं महाप्रभुम्।।2
हितं हि लोकस्य विचिन्त्य तेजसा,ददाह यो वै सगरात्मजान् रुषा।
सनातनं तं सकलार्थदं विभुं,नमामि संतं कपिलं महाप्रभुम्।।3
विलोक्य लोके विधिहीनतामिना,समोपदिष्टं भुवि सांख्यदर्शनम्।
परात्परं तं परमार्थबोधकं,नमामि सौम्यं कपिलं महाप्रभुम्।।4
स्मरामि नित्यं हृदि कर्दमात्मजं,विशिष्टबोधाकर-देवहूतिजम्।
सदासदाचार विचार पोषकं,नमामि सत्यं कपिलं महाप्रभुम्।।5
जिज्ञासूनां प्रबोधाय,कपिलप्रीति हेतवे।
पंचकं कुरुते भक्त्या,त्र्यंबकः समुदारधीः।।
वंशस्थ छंद द्वारा - समर्थ श्री (संस्‍कृतगंगा फेसबुकवर्गे)

भारतमात्रे नमः

भारते भव्यता दिव्यता भारते,
भारते भारतीयाःजनाःभारताः।
भारते भाग्यवन्तो जनाःज्ञानिनः,
भक्तिभावेन ते भावुकाः सर्वदा।।1
(आत्म तत्व प्रकाशेन ते संयुताः)
भारते जाह्नवी भारते सूर्यजा,
कृष्णवेणा च शिप्रा च गोदावरी।
तुंगभद्रा विपाशा च चर्मण्वती,
भारते नर्मदाद्याः शुभा निम्नगाः।2
शोभना विंध्यमाला च गोवर्धनः,
भारते हैमकूटः सुमेरुस्तथा।
रत्नगर्भाः समे भूधराः भूषिताः,
भारते पर्वताः सन्ति शीर्षोपमाः।।3
सप्तपुर्यः पवित्राः च मोक्षप्रदाः,
तासु दिव्या वरिष्ठा नु वाराणसी।
तीर्थराजस्य भार्याः समाः भूतले,
भारते सन्ति भव्याः क़ृपा-मूर्तय़ः।।4
हैमशैलोति-शुभ्रः शिरोभूषणः,
सागरः पाद्य सेवा रतो भावुकः।
कण्ठहारोपमा मोक्षदा जाह्नवी,
पुण्य भूमिर्धरायां न ह्यन्या मता।।5
भारते वेद विद्या-प्रवाहःसदा,
भारतीयं पवित्रं सदा दर्शनम्।
भारते संस्कृतं भारते संस्कृतिः,
भारते साधवः साधना तत्पराः।।6
भारते रामचन्द्रस्य रामायणं,
भारते कृष्णलीला महाभारतम्।
भारते ब्राह्मणाःधर्मशीलाः शुभाः,
भारते य़ज्ञवेद्यां विचार प्रभा।।7
तर्पणं भारते देव पूजा तथा,
त्याग वैराग्य मूलाःसमस्ताःक्रियाः।
भारते श्राद्ध सेवा मनोहारिणी,
सृष्टिसौभाग्य मूलं शुभं भारतं,।।8
स्रग्विणी छंद
अच…

श्री राम

धन्याःजनन्यो नृपतिस्तु धन्यः,धन्याः जनाः कौशलराजदासाः।
धन्यो वशिष्ठो द्विजपूज्यवर्यः,ये रामचन्द्रं प्रणमन्ति नित्यम्।।1
धन्याःजनाःये प्रणमन्ति रामं,धन्यास्तु ते रामरसं पिबन्ति।
धन्यास्तु गावो हरिणाश्च धन्याः,धन्याः गजाःधन्यतमाःतुरंगाः।।2
ये लोचनाभ्यां हि सदैव रामं,हृद्देशकोशे विनिवेशयन्ति।
धन्याः रमण्यः वसुधासुजाता,सीतापि धन्या रघुनाथचित्ता।।3
धन्याः कनिष्ठाः भरतादयो ये,रामं सदा ये परिसेवयन्ति।
धन्याः कपीन्द्राःचरणानुरक्ताः,हनुमानसंगो धन्यातिधन्यः।।4
धन्याःवयं धन्यतमाश्च यूयं,धन्या धरा धन्यतमाः दिशश्च।
धन्याः हि ते ये भवभीतिभीताः,श्रृण्वन्ति गायन्ति गृणन्ति रामम्।।
इन्द्रवज्रा छंदद्वारा - समर्थ श्री (संस्‍कृतगंगा फेसबुकवर्गे)

मनोरमं महेश्वरं महोजसा सुभास्वरं

मनोरमं महेश्वरं महोजसा सुभास्वरं,
भवाब्धिपोत-रूपकं कृपापयस्विनी वरम्।
विषादरात्रि हारकं प्रसन्नता दिवाकरं,
नमामि विष्णुमीश्वरं निरंजनं निरंतरम्।।1
विहारघट्ट वासिनं विरक्ति वीथि लासिनं,
स्वयंप्रभा प्रकाशितं निशाकरेव हासिनम्।
सदा स्वयं हितैषिणं सदार्ष शास्त्र दर्शिनं,
नमामि विष्णुमीश्वरं दया सुधा प्रवर्षिणम्।।2
विवेक भक्ति धारकं समस्त जीव तारकं,
समुज्ज्वलं सुतेजसा विशोक रोग मारकम्।
सुसम्पदा सरोवरं दरिद्रता विदारकं,
नमामि विष्णुमीश्वरं स्व भक्त मुक्ति कारकम्।।3
यतीश्वरं निधीश्वरं निरीश्वरं निरामयं,
नितान्त शान्त मानसं मनोहरं सुधामयम्।
समाधि सिद्धि शोभितं प्रभाकरं प्रभामयं,
नमामि विष्णुमीश्वरं तपस्विनं त्विषां चयम्।।4
सदैव सर्व वन्दितं सुसिद्ध वृन्द नन्दितं,
विचार सिन्धु पारगं विपश्चितं सुनिश्चितम्।
कुतर्क वृक्ष खण्डितं समस्त शास्त्र पण्डितं,
नमामि विष्णुमीश्वरं सुवन्दना विमण्डितम्।।5
सद्भाव बर्धकं सिद्धं,गुरोः कृपा समन्वितम्।
करोति त्र्यम्बकः सद्यः पंचकं पुण्य लब्धये।।समर्थ श्री पंच चामर द्वारा - समर्थ श्री (संस्‍कृतगंगा फेसबुकवर्गे)

श्रवणं प्रथमं,श्रुति वाक्यमहो

श्रवणं प्रथमं,श्रुति वाक्यमहो,गुरुदेव मुखादनुभूतिमयम्।
कृपया परया परमात्मकृपा,स्वत एव विभाति मनस्यमले।।1
मननं च ततः सततं हृदये,तदनन्तरमाह्निक कर्मणि स्यात्।
भवने च वने पथिमध्यगते,चिति मात्रमहं रटनं सततम्।।2
(निज भासमहं रटनं सततम्)
भजने शयने वदने गमने,हसने श्वसने श्रवणे शमने।
अदने च तथा परितः भ्रमणे,श्रुति सार कथा भवितव्यमहो।।3
न निजो मम कोपि परोपि तथा,1अहमेव विभाति सदा भुवने।
अनुकूलतया प्रतिकूलतया,ममता प्रतिभाति सदा भुवने।।4
सरिताः च नगाः जलधिः तरवः,गगनः पवनः सलिलं वसुधा।
अनलः पशवश्च खगाः मनुजाः,मम रूपमहो मम रूपमहो।।5
तोटक छंद- अधरं मधुरं वदनं मधुरं,,,द्वारा - समर्थ श्री (संस्‍कृतगंगा फेसबुकवर्गे)

कलौ किम्

शवानो गृहेषु गृहणी हृदये वसन्ति,
गावो चरन्ति विजने पथि वा भ्रमन्ति।
भाग्यं द्वयोः समवलोक्य कलेर् महत्वं,
वक्तुं भविष्यति न कोपि कलौ समर्थः।।
सत्यं कलेर्न महिमा खलु वर्णनीया।।1
आचार हीन मतयो मदिरां पिबन्ति,
विप्राः श्रुतं श्रुतिपथं सहसा विहाय।
सन्ध्यादिकं प्रतिदिनं परिहृत्य दूरात्,
शूद्रान्न सेवन रताः कुपथे प्रवृत्ताः।।2
सन्तो भ्रमन्ति समुपासन भाव शून्याः,
शास्त्रोपदेश निपुणाः कृपणाः सुदीनाः।
दंभोत्सुकाः सुमलिनाःमदनातुराः वै,
भक्तिं विहाय भव भूति कृते सयत्नाः।।3
कार्यालयेषु परिचारक वृत्ति मत्यः,
बालान् पतीन् परिजनांश्च विहाय गेहे।
वध्वः प्रयान्ति परितःपवनोपमास्ताः,
भोगाभिलाष निपुणाः चपलाः विशेषाः।।4
सत्यं छलेन विहतं शुचिता सुखेन,
शान्तिः रजोगुण तमोगुण द्वंद्व वृत्या।
देवार्चनं तु विधि हीन नरैः परास्तं,
चारित्र्यचिन्तन कथा मदमोह मत्या।।5 द्वारा - समर्थ श्री (संस्‍कृतगंगा फेसबुकवर्गे)

श्री शंकराचार्य पंचकम्

बौद्धध्वान्तहरं हरेःप्रियतमं वेदान्तविद्याकरं,
योगीशं यतिवृन्दवन्दितपदं वैराग्यरागेरतम् ।
गोविन्दांघ्रिसरोजभक्तिवनिता यस्यप्रिया भामिनी,
वंदे तं यतिभूषणं श्रुतिशरं श्रीशंकरंशंकरम् ।।1

श्रौतस्मार्त परंपरा परिभवं संवीक्ष्य यो व्याकुलः,
पूर्णं ब्रह्मसनातनं श्रुतिनुतं,शून्यादिकं कल्पना ।
याथार्थ्यं परिबोधितुं भुवितले यो भारते भारतः,
वंदे तं यतिरूपिणं सुरगुरुं श्रीशंकरंशंकरम् ।।2

जाड्यं यो हृतवान् मतेःमतिमतामद्वैततत्वाग्निना,
सर्वं ब्रह्ममयं चराचरमिदं भिन्नं न किंचित् ततः ।
व्यर्थं स्वप्नसमं जगत्परिभवःयो घोषणायांरतः,
वन्दे तं जगदीश्वरं यतिवरं श्रीशंकरंशंकरम् ।।3
बाल्यादेव विलक्षणश्च विगुणो ज्ञानाकरो ज्ञानदः,
शास्त्रार्थे प्रतिपन्थिनामसुहरो मत्तेभ सिंहोयथा ।
युक्त्या च श्रुति संबलेनसहितः यो दिग्जयी दुर्धरः,
वन्दे तं भुवनेश्वरं भवनिधिं श्रीशंकरंशंकरम् ।।4

बालार्कप्रतिमं सरोजवदनं सौभाग्य शोभामयं,
सारल्यं हृदये परा कठिनता दिव्ये विचाराहवे ।
वेदानां समुपासको नरवरो यो ज्ञान सिन्धुः स्वयं,
वन्दे तं सुरपूजितं विधिनुतं श्रीशंकरं शंकरम् ।।5

अद्वैततत्व बोधाय,चित्त संशोधनाय च।
करोति त्र्यंबकः प्रीत्या,शंकराचार्य पंचकम्।।
द…

प्रात:स्‍मरणम्, श्‍लोका:, स्‍तुतय:

खर्व स्थूलतनुं गजेन्द्रवदनं लम्बोदरं सुन्दरं प्रस्यन्दन्मदगन्धलुब्धमधुपव्यालोलगण्डस्थलम |
दंताघातविदारितारिरूधिरैः सिन्दूरशोभाकरं वन्दे शलसुतासुतं गणपतिं सिद्धिप्रदं कामदम् ||
प्रातर्नमामि चतुराननवन्द्यमानमिच्छानुकूलमखि लं च वरं ददानम् |
तं तुन्दिलं द्विरसनाधिपयज्ञसूत्रं पुत्रं विलासचतुरं शिवयोः शिवाय ||
विघ्नेश्वराय वरदाय सुरप्रियाय लम्बोदराय सकलाय जगद्धिताय |
नागाननाय श्रुतियज्ञविभूषिताय गौरीसुताय गणनाथ नमो नमस्ते ||
द्वारा – श्री अशोककुमारव्‍यास: परोपकारः कर्त्तव्यः प्राणैरपि धनैरपि ।
परोपकारजं पुण्यं न स्यात् क्रतुशतैरपि ।।
लक्ष्मीशं सृष्टित्रातारं क्षीरसागरशायिनम् ।
वैकुण्ठवासिनं विष्णुं वन्दे सर्वफलप्रदम् ।।
द्वारा - श्री संस्‍कृतसौरभम्